اخوكم مبتدئ

بسم الله الرحمن الرحيم
تحيه طيبه وبعد
اخوكم ( اللى هو انا ) بيفكر فى المشروع دة مع العلم انه لايوجد لدى مكان مناسب ولا رأس مال كبير . وعليه فأنا عايز رأيكم ومشورتكم عن الفكرة وياريت اللى يرد عليا يرد بأستفاضه .
الفكرة بأختصار هى تاجير عنبر او جزء من مزرعه او حتى بيت قديم فى أى قريه قريبه للمنصورة واستغلالها فى تربيه كتاكيت السمان لمدة 6 او 7 أسابيع حتى يصل للوزن المناسب وبعدها يتم تسويقه جمله واحدة .بدون وجود دورة تفريخ او تربيه امهات يعنى مشروع انتاج لحم ولو توافر سوق للبيض ممكن تربيه جزء من القطيع لانتاج البيض ولفترة زمنيه قصيرة .
طبعا انا عايز اعرف حاجات كتير وطبعا انا هبحث عنها بنفسى و لكن احب اطرحها عليكم كأهل للخبرة والمشورة وهطرحها فى صورة أسئله أرجو الرد عليها إن توافرت إجاباتها خاصه الاسعار لإتمام دراسه الجدوى:
1-  هل من السهل تأجير عنبر فى مزرعه او جزء منها او بيت قديم فى الارياف ؟ وما هى قيمه الايجار المتوقعه فى الشهر ؟
2- ما هو اقل عدد من الكتاكيت لكى يعطى ربح مناسب وجدوى للمشروع ؟ فى تخيلى 10000 كتكوت مناسب .
3- ما هو تركيب العليقه وماهو سعرها الفعلى ؟ السؤال دة مهم جدا لان تكالبف المشروع هى ما ستحدد أمكانيه قيامه من عدمه فأنا الان اقوم بتربيه دجاج والعليقه تركيز 24 ثمنها 4 جنيهات تقريبا . فلو كان ثمن الكتكوت 75قرش وسيأكل 0.5 كيلو عليقه ب 2 جنيه و ثمن بيعه 4 جنيه فلم يتبقى سوا 1.25 جنيه يتم خصم باقى التكاليف ( إيجار, أمصال , عماله ) عندها سيكون المشروع بلا جدوى . 
4- هل توجد جهه مساعدة فى التسويق او ان تشترى بسعر مناسب ؟ وهل هناك تجربه فعليه معها ؟ 
5- لأصحاب التجارب الفعليه . احكى تجربتك بأستفاضه ولا تبخل علينا ؟ 

وشكرا جزيلا لصاحب فكرة هذا المنتدى واتمنى له النجاح . وجعله الله فى ميزان حسناتكم .